İsrail qüvvələri İordan çayının qərb sahilindəki Cenin qaçqın düşərgəsini tərk edib.
Busaat.az xəbər verir ki, bu barədə İsrail ordusunun sözçüsü TASS-a telefonla bildirib.
O, İsrail Müdafiə Qüvvələrinin bazar ertəsi başlatdığı antiterror əməliyyatının bitdiyini açıqlayıb.
İsrailin müdafiə naziri Yoav Gallant qeyd edib ki, hərbçilər hərbi əməliyyatların iki günü ərzində Cenindəki “terrorçu istehsal sahəsini” məhv ediblər.
Qeyd edək ki, İsrail ordusu çərşənbə axşamı Cenin qaçqın düşərgəsindən qoşunlarını çıxarmağa başlayıb. Bundan az əvvəl isə ordunun mətbuat xidməti ərazidəki silahlılarla atışmada bir hərbçinin həlak olduğunu bildirib.
İsrail qoşunları Cenin düşərgəsindən geri çəkilməyə başladıqdan sonra fələstinli radikallar Qəzza zolağından İsrailə beş raket atıblar. İsrail Müdafiə Nazirliyinin mətbuat xidmətinin məlumatına görə, atılan raketlər zərərsizləşdirilib.
Busaat.az
