İsrail qüvvələrinin Məscidül-Əqsadakı hərəkətləri qəbuedilməzdir - Türkiyə XİN

Ankara İsrail qüvvələrinin Əl-Əqsa məscidindəki hərəkətlərini pisləyir və qəbuledilməz hesab edir.

Busaat.az xəbər verir ki, bu barədə “RİA Novosti”yə Türkiyə Xarici İşlər Nazirliyindəki mənbə bildirib.

Fələstin mediası isə Qüdsdəki Əl-Əqsa məscidində İsrail hərbçiləri ilə toqquşma zamanı onlarla fələstinlinin yaralandığını bildirib. İsrail polisi Əl-Əqsada 350 nəfəri həbs edildiyini açıqlayıb. İsrailin bu hərəkətləri İordaniya və Misir tərəfindən də pislənib:

“Biz Məscidül-Əqsanın müqəddəs statusunu pozan və orada gizlənənlərə hücum edən, həmçinin çoxlu sayda fələstinlini həbs edən İsrail qüvvələrini lənətləyirik”.

“Müqəddəs Ramazan ayında Məscidül-Əqsada ibadət edənlərə qarşı hücumlar qəbuledilməzdir”, – bəyanatda deyilir.

Qeyd edək ki, İsrail tərəfi səbəb kimi məsciddə silahlı birləşmələrə üzv olan şəxslərin gizləndiyini əsas gətirib.

Busaat.az