İsrail təyyarələri Qəzza zolağına hava zərbələri endirib

İsrail döyüş təyyarələrinin Qəzzada Fələstin silahlı qruplaşmalarına məxsus hərbi bölgəyə hava hücumu təşkil etdiyi bildirilib.

Busaat.az xəbər verir ki, Fələstin Səhiyyə Nazirliyi hücumda zamanı ölən və ya yaralananların olub-olmaması barədə açıqlama verməyib.

Hücum nəticəsində şiddətli partlayışlar baş verib, ətrafdakı evlərə xeyli ziyan dəyib.

HƏMAS-ın silahlı qanadı İzzəddin əl-Qəssam Briqadalarının açıqlamasına görə, səhər saatlarında Qəzza zolağı üzərində yer-hava raketləri və zenit raketləri ilə İsrail təyyarələrinə cavab verilib .

İsrail ordusundan verilən açıqlamada isə Qəzzadan sərhədə yaxın yəhudi yaşayış məntəqələrinə doğru 2 raket atıldığı və bunun hava hücumundan müdafiə sistemləri tərəfindən qarşısının alındığı açıqlanıb.

Qeyd edək ki, dünən səhər saatlarında İsrail qüvvələrinin İordan çayının qərb sahilinin şimalındakı Cenin Qaçqınlar Düşərgəsinə təşkil etdiyi basqında 9 fələstinli həlak olub.

Busaat.az