Tel-Əviv Berlindən İran SEPAH-ını terror təşkilatı kimi tanımaq üçün addımlar atmasını gözləyir. Yəhudi dövləti Almaniya ilə birlikdə İran rejiminə qarşı birlikdə işləməyi gözləyir.
Busaat.az xəbər verir ki, bu barədə İsrailin xarici işlər naziri Eli Koen bildirib.
“İran rejimi artıq təkcə regional problem deyil, Avropa və bütün dünya üçün problemdir. İranın nüvə yarışına son qoymağının yeganə yolu diplomatik və iqtisadi təzyiqdən keçir. İslam İnqilabı Keşikçiləri Korpusunu (İran silahlı qüvvələrinin elit bölməsi olan SEPAH) Almaniyada terror təşkilatı kimi tanımaq və bu tanınmanı bütün Avropada genişləndirmək lazımdır”, – Koen bildirib.
İsrail xarici işlər nazirinin qeyd etdiyi kimi, Təl-Əviv İranla nüvə sazişinin bərpasına qarşıdır və Tehranın nüvə silahı hazırlamaq cəhdlərinə qarşı birgə addımlar atmağa çağırır.
“Almaniya Avropa və dünya dövləti olaraq aydın mesaj verməlidir: yalnız güclü hərəkət güclü nəticələr verəcək və İrana qarşı güclü addım atmağın vaxtı çatıb”, – Koen vurğulayıb.
