İsraildə, Tel-Əviv və Qüds arasında yerləşən meşəlik ərazidə baş verən güclü yanğın səbəbilə yanğınsöndürmə briqadaları həm qurudan, həm də havadan müdaxiləyə başlayıblar.
“Busaat.az” Türkiyə mediyasına istinadən xəbər verir ki, yanğın nəticəsində Tel-Əvivə gedən əsas magistral yollar nəqliyyat üçün bağlanıb, ətrafda yerləşən beş yaşayış məntəqəsi təxliyə olunub.
İsrail Yanğınsöndürmə Xidməti hadisənin ölkə tarixinin ən böyük meşə yanğınlarından biri olduğunu bildirib. Hökumət isə yanğınla mübarizə üçün beynəlxalq yardım çağırışı edib.
Qeyd edək ki, Müstəqillik Günü münasibətilə keçirilməsi planlaşdırılan mərasimlər də yanğınlar səbəbilə ləğv edilib.
Nərmin Səmidova
Busaat.az
