İsrailin Qəzzaya hücumunda 8 jurnalist həlak olub
İsrail ordusunun 7 oktyabr şənbə günü səhər saatlarından Qəzza zolağında həyata keçirdiyi hücumlarda 8 jurnalist həyatını itirib.
Busaat.az xəbər verir ki, bu barədə Qəzzadakı hökumətin mətbuat xidməti məlumat yayıb.
Açıqlamada hücumlar zamanı 8 jurnalistin həyatını itirdiyi, 10 jurnalistin yaralandığı, 2 jurnalistin itkin düşdüyü bildirilib.
Məlumata görə, ölən jurnalistlərin adları Səid əl-Tavil, Muhammed Subh, Hişam en-Navacihe, İbrahim Lafi, Muhammed Jarğun, Muhammed es-Salihi, Esad Şemlah və Selame Mimedir.
Açıqlamada İsrail ordusunun həyata keçirdiyi hücumlarda 3 jurnalistin evinin tamamilə dağıdıldığı, şəhərdəki 40 media orqanının isə hava hücumlarının hədəfi olduğu vurğulanıb.
