İstanbulda kafeyə hücum edən silahlı şəxslər səhv insanı öldürüb

Bəyoğlunda çayxanaya silahlı hücum edərək qapıda oturan təqaüdçü Mehmet İlhan Ergünü səhvən öldürən, düşmənləri Cüneyd Yılmazı yaralayan motorsikletli iki cinayətkar polis tərəfindən sxalanılıb.

Busaat.az bu barədə Türkiyə mətbuatıana istinadən xəbər verir.

Məlumata görə  başlarında qoruyucu kaska olan, qeydiyyat nişanı olmayan motorsikletlə gələn iki şübhəli şəxs çayxanaya atəş açıb. Açılan atəş nəticəsində qapıda oturan təqaüdçü Mehmet İlhan Ergün (64) vurularaq həyatını itirib. Cüneyd Yılmaz isə yaralanıb.

Hadisə ilə bağlı başladılan istintaqda polis təhlükəsizlik kameralarından cinayətkarları izləməyə başlayıb. İki gün ərzində təxminən 600 kamera vasitəsilə şübhəlilər Kiçikçəkməcəyə qədər izlənilib. Edilən araşdırmalar nəticəsində şəxsiyyətləri müəyyən edilən təqsirləndirilən şəxslər C.C.C. (23) və M.F.D. (24) polis tərəfindən saxlanılıb.

Dindirilmə zamanı narkotik vasitə almaq üçün gəldiklərini, bu zaman bir nəfərin əlini belinə doğru aparmasını gördükdə həyəcanlanıb atəş açdıqlarını bildirən təqsirləndirilən şəxslər polis idarəsindəki prosedurları bitdikdən sonra ədliyyəyə göndəriliblər.

Busaat.az