İsveçdə terrorla mübarizə ilə bağlı konstitusiya dəyişikliyi qüvvəyə mindi

İsveçdə terrorla mübarizəyə dair yeni konstitusiya dəyişikliyinin 2023-cü il yanvarın 1-dən qüvvəyə minəcəyi açıqlanıb.

Busaat.az xəbər verir ki, bu barədə qərar İsveç Ədliyyə Nazirliyindən verilən açıqlama “Konstitusiya dəyişikliyi terrorizmlə mübarizədə daha güclü imkanlar təqdim edir” başlığı ilə paylaşılıb.

“İsveç təkbaşına və digər dövlətlərlə birlikdə terror təhlükəsinə qarşı ciddi səy göstərir. Terrorizm terrorizmin təsirinə məruz qalmış icmalar üçün ciddi problemlər yaradır və həm beynəlxalq sülh və təhlükəsizliyə, həm də milli təhlükəsizliyi təhdid formalaşdırır. Terrorizm demokratiyaya, insan hüquqlarının azad şəkildə həyata keçirilməsinə, iqtisadi və sosial inkişafa, o cümlədən çox ağır cinayət əməlləri və nizam-intizamı təhdid edən ən ciddi təhdidlərə səbəb olur” – deyə, açıqlamada bildirilib.

Qüvvəyə minən dəyişikliyin terrorla mübarizədə daha güclü imkanlar təqdim etdiyi vurğulanıb: “Konstitusiya dəyişikliyi qanun çərçivəsində terror fəaliyyəti həyata keçirən və ya terroru dəstəkləyən qrupların birləşmək azadlığının azalması deməkdir. Bu düzəliş millət vəkillərinə, məsələn, terror təşkilatında iştirakın daha geniş çərçivədə cinayət hesab edilməsinə və terror təşkilatlarının qadağan edilməsinə imkan yaradır”.

Bu açıqlama İsveçin Ankaradakı səfirliyinin sosial media hesabında da paylaşılıb.

İsveç xarici işlər naziri Tobias Billström, 23 dekabr 2022-ci ildə Anadolu Agentliyinə verdiyi açıqlamada, konstitusiya dəyişikliyinin 1 yanvar 2023-cü ildə qüvvəyə minəcəyini deyib.

Billström, İsveç torpaqlarında terror fəaliyyətinin təbliğinin, o cümlədən onların bayraqlarının dalğalanmasının cinayət sayılacağını və qanunun 1 iyun 2023-cü il tarixindən etibarən yerlərdə tətbiq ediləcəyini bildirib.

Busaat.az