İsveçdən atılan tədqiqat raketi Norveçdə dağlıq əraziyə düşüb.
Busaat.az-ın Sky News-a istinadən xəbərinə görə, dünən yerli vaxtla saat 07:20-də İsveçin şimalındakı Kiruna yaxınlığındakı Esrange Kosmos Mərkəzindən atılan və sərhədə yaxın bir bölgəyə enişi gözlənilən raket hədəfinə çata bilməyib.
İsveç Kosmik Şirkəti (SSC) tərəfindən buraxılan tədqiqat raketi 250 kilometr yüksəkliyə çatdıqdan sonra marşrutdan çıxaraq Norveçdə dağlıq əraziyə düşüb.
SSC raketin hesablandığından bir az daha qərbə doğru yönəldiyini bildirib.
Nasazlıq səbəbindən hədəf nöqtəsinə enə bilməyəcəyi düşünülən raket və onun faydalı yükü planlaşdırılan eniş yerindən təxminən 40 kilometr şimal-qərbə düşüb.
Rəsmilər bildirib ki, raketin düşdüyü ərazi ən yaxın yaşayış məntəqəsindən 10 kilometr aralıdır.
Busaat.az
