Bəzi beynəlxalq medianın Ankaranın Beynəlxalq Valyuta Fondundan (BVF) 11-13 milyard dollar kredit alması müqabilində İsveçin NATO-ya qəbulunu təsdiqləməyə razılıq verməsi barədə xəbərlər fərziyyədir.
Busaat.az xəbər verir ki, bu sözləri Türkiyənin vitse-prezidenti Cevdet Yılmaz Türkiyənin TRT Haber telekanalına müsahibəsində bildirib.
“2013-cü ildə cənab prezident AKP idarəçiliyi dövründə BVF ilə münasibətlərə son qoydu, o zaman həqiqətən güclü iradə nümayiş etdirdi və bu mənada bütün borcları ödədi. O vaxtdan bəri Türkiyə 10 ildir ki, BVF-siz qalıb və çox çətin bir dövrdə iqtisadi proseslərini uğurla idarə etməyi bacarıb. Türkiyə bunu gələcəkdə də davam etdirəcək”, – Yılmaz deyib.
Xüsusilə, iyulun 14-də Türkiyənin “Yenicağ” internet jurnalı ABŞ prezidenti Co Baydenin İsveçin NATO-ya üzv olmaq istəyini təsdiqləmək üçün Türkiyəyə BVF krediti vəd etdiyini yazıb və bu barədə amerikalı araşdırmaçı jurnalist Seymur Herşin məlumat verdiyini qeyd edib.
Busaat.az
