ABŞ prezidenti Co Bayden ölkəsinin İsveçin NATO-ya üzvlüyünü tam dəstəklədiyini bildirib.
Busaat.az xəbər verir ki, bu barədə Bayden İsveçin baş naziri Ulf Kristerssonla Ağ Evdə görüşü zamanı deyib.
İsveçin “bacarıqlı tərəfdaş” olduğunu deyən Bayden əlaqələrin daha da inkişaf etdirilməsi üçün çalışdıqlarını bildirib.
İsveçin NATO-ya üzv olmasını səbirsizliklə gözlədiklərini vurğulayan, Bayden deyib:”İsveçlə iqlim böhranı, azad və açıq Hind-Sakit okeanın qorunması, Ukraynaya verilən dəstək kimi mövzularda birlikdə hərəkət etdiklərini bildirib”.
Kristersson Baydenə İsveçin NATO üzvlüyünə verdiyi dəstəyə görə təşəkkür edib və ölkəsinin alyansa töhfə verə biləcəyini düşündüklərini bildirib.
İsveç və ABŞ-nin bir çox ortaq dəyərləri paylaşdığını qeyd edən nazir, Ukraynaya verilən dəstəyi də xatırladıb və Baydenə transatlantik birliyə verdiyi töhfəyə görə təşəkkür edib.
Qeyd edək ki, iyulun 11-12-də Vilnüsdə keçiriləcək sammitdən əvvəl sabah Brüsseldə Türkiyə, İsveç və Finlandiya xarici işlər nazirlərinin iştirakı ilə İsveçin NATO-ya üzvlüyü ilə bağlı yüksək səviyyəli toplantı keçiriləcək.
Busaat.az
