
İsveçin xarici işlər naziri Billström sabah Türkiyəyə gələcək
İsveçin xarici işlər naziri Tobias Billströmün sabah Türkiyəyə səfər edəcəyi xəbəri yayılıb.
Busaat.az xəbər verir ki, bu barədə Türkiyə Xarici İşlər Nazirliyi məlumat yayıb.
Məlumata görə, Türkiyə xarici işlər naziri Mövlud Çavuşoğlu ilə Billström arasında sabah keçiriləcək görüşdə Türkiyə ilə İsveç arasında ikitərəfli əlaqələr müzakirə olunacaq.
Digər tərəfdən, sözügedən danışıqlar zamanı İsveçin öhdəsinə götürəcəyi Avropa İttifaqına (Aİ) sədrliyi çərçivəsində Türkiyə-Avropa İttifaqı münasibətləri, İsveçin NATO-ya üzvlük prosesi və regional və beynəlxalq məsələlər ətrafında fikir mübadiləsinin aparılması nəzərdə tutulub.
Busaat.az























