İsveçrə hökuməti üçüncü cins ideyasını rədd edir

İsveçrə hökuməti rəsmi sənədlərdə üçüncü cinsin və ya cinssiz seçimin tətbiqi ideyasını rədd edib.

Busaat.az xəbər verir ki, bu barədə məlumatı Reuters yayıb.

İdarəedici Federal Şura bildirib ki, ikili gender modeli hələ də İsveçrə cəmiyyətində möhkəm şəkildə yerləşib.

Hesabatda bildirilir ki, hazırda üçüncü cinsin tətbiqi və ya gender qeydlərinin tamamilə rədd edilməsi üçün heç bir sosial ilkin şərt yoxdur.

Federal Şura əlavə edib ki, bu cür variantlar həm milli səviyyədə, həm də ölkənin 26 kantonunda (ştatında) İsveçrə Konstitusiyasına və qanunlarına çoxsaylı dəyişikliklər tələb edəcək.

Hökumət bildirib ki, milli etika komissiyası 2020-ci il hesabatında sistemin dəyişdirilməsi vaxtının hələ yetişmədiyini qeyd edib.

Busaat.az