İsveçrə Ukraynaya silah ixracına qarşı olduğunu açıqladı

İsveçrə prezidenti Alain Berset İsveçrənin Ukraynaya silah ixracına qarşı olduğunu bildirib.

Busaat.az xəbər verir ki, İsveçrə prezidenti Alain Berset Birləşmiş Millətlər Təşkilatının iclasları çərçivəsində Rusiya-Ukrayna müharibəsi ilə bağlı qiymətləndirmələr edib.

Alain Berset İsveçrənin Ukraynaya silah ixracına qarşı olduğunu bildirib.

Berset deyib: “İsveçrədə (bizim) hüquqi bazamız olduğu halda bunu etmək mümkün deyil. Hökumət və Federal Şura üçün bu qanuni çərçivəni qorumalı və çalışmalıyıq”.

Berset İsveçrə parlamentinin qanunları dəyişdirmək üçün çoxlu imkanlara malik olduğunu ifadə edərək bildirib: “Əgər parlament bu qanunvericilik bazasını dəyişdirməyə razılıq verərsə, o zaman biz bu yeni qanunvericilik çərçivəsi kontekstində işləyəcəyik, lakin bunun üçün də vaxt lazımdır”.

İsveçrənin Rusiyaya qarşı sanksiyalarına toxunan Berset, “Bu sanksiyalar tərəfsizliyə tamamilə uyğundur”, – deyə qeyd edib.