İsveçrə Kiyevə dəstək əlaməti olaraq Ukraynanın keçmiş prezidenti Yanukoviçin ətrafındakılardan 140 milyon dollardan çox pulu (130 milyon frank) müsadirə etməyi planlaşdırır.
Busaat.az RİA Novosti-yə istinadən xəbər verir ki, bu barədə məlumat İsveçrə Xarici İşlər Nazirliyinin saytında dərc olunan bəyanata yer alıb.
“Federal Şura 2023-cü il fevralın 15-də keçirilən iclasında 2014-cü ilin fevralında Ukrayna inqilabından sonra İsveçrədə bloklanmış aktivlərin müsadirəsi üçün yeni inzibati prosedurlara başlamaq barədə qərar qəbul edib. Müsadirə oluna biləcək bütün aktivlər – ümumilikdə 130 milyon frankdan çox əmlak – müsadirə olunacaq”, – sənəddə deyilir.
Ofis bu sanksiyaların Rusiyanın 24 fevral 2022-ci ildən sonra Rusiyaya tətbiq etdiyi sanksiyalarla bağlı olmadığını və bunun Ukraynaya dəstək əlaməti olduğunu vurğulayıb.
“İsveçrə inzibati ədalət məhkəməsi onların müsadirə edilməsi ilə bağlı yekun qərar qəbul edənə qədər bu aktivlər blokadada qalacaq. Əgər aktivlər nəhayət müsadirə olunarsa, beynəlxalq müqavilə çərçivəsində Ukrayna xalqının xeyrinə qaytarılacaq”, – deyə ölkənin Xarici İşlər Nazirliyi bildirib.
