İsveçrə “nüvə silahları ilə bağlı bütün riskləri azaltmaq üçün təcili tədbirlər görməyə” çağırıb.
Busaat.az xəbər verir ki, bu barədə İsveçrə Xarici İşlər Nazirliyi öz Twitter hesabında məlumat yayıb.
“Rusiyanın Belarusda taktiki nüvə silahı yerləşdirməyi planlaşdırması ilə bağlı xəbərlərə əsaslanaraq, İsveçrə nüvə silahı ilə bağlı bütün riskləri azaltmaq üçün təcili tədbirlər görməyə çağırır”, – məlumatda deyilir.
Nüvə müharibəsinin heç vaxt qalib gələ bilməyəcəyini vurğulayan yazıda gərginlikdən qaçınmaq barədə çağırışı edilib.
Vladimir Putin martın 25-də Belarusda taktiki nüvə silahı yerləşdirəcəklərini bildirərək, deyib: “Biz bunu nüvə silahlarının yayılmaması ilə bağlı beynəlxalq öhdəliklərimizi pozmadan edəcəyik”.
NATO və Avropa İttifaqı da Rusiyanın bu qərarını “məsuliyyətsiz” hesab etdiklərini açıqlayıblar.
Busaat.az
