İtaliya Baş Nazirliyindən Meloni-Ərdoğan görüşü ilə bağlı AÇIQLAMA

İtaliyanın baş naziri Giorgia Meloni və Türkiyə prezidenti Rəcəb Tayyib Ərdoğan arasında telefon danışığı olub. Liderlər danışıqlarda iki müttəfiq ölkə olaraq ortaq təhlükəsizlik üçün çalışmaları davam etdirmək və regional, Avropa və çoxtərəfli səviyyədə gərgin olan tərəfdaşlığı yenidən başlatmaq üçün güclü iradələrini ifadə ediblər.

Busaat.az xəbər verir ki, Ərdoğanla Meloni arasındakı görüşdə “ortaqlığın yenidən başlaması” ifadəsi diqqət çəkib.

Telefon danışığı ilə bağlı İtaliya Baş Nazirliyindən yazılı açıqlama verilib.

Açıqlamada baş nazir Meloni Ərdoğana yenidən prezident seçilməsi münasibətilə təbriklərini təkrarlayıb və liderlərin ikitərəfli sıx əlaqələri vurğuladıqları bildirilib.

Bəyanatda aşağıdakı ifadələr yer alıb:

“Hər iki lider iki müttəfiq kimi ümumi təhlükəsizlik naminə işləməyə davam etmək və regional, Avropa və çoxtərəfli səviyyədə onsuz da gərgin olan tərəfdaşlığı yenidən başlatmaq üçün güclü iradə ifadə edib. Tezliklə yenidən görüşmək imkanının əldə olunması ümidi ifadə olunub”.

Busaat.az