İtaliyada rəqabət şurasının başlatdığı araşdırma çərçivəsində 4 böyük operator şirkəti rəqabətə zidd hərəkət etdikləri üçün 1 milyon avro cərimələnib.
Busaat.az xəbər verir ki, Rəqabət Şurasının təşəbbüsü ilə aparılan araşdırmalar çərçivəsində operator şirkətlərinin stasionar və mobil telefon istifadəçilərinin müqavilələrinə xitam verilməsi, başqa operatora köçürülməsi və ikiqat faktura hesablanması zamanı əməl olunan prosedurların qanunsuz olması qərara alınıb.
Araşdırmalar nəticəsində Vodafone 400 min avro, WindTre 300 min avro, Telecom Italia 200 min avro və Fastweb şirkəti 100 min avro olmaqla ümumilikdə 1 milyon avro məbləğində cərimə olunub.
2020-ci ilin yanvar ayından etibarən istifadəçilər operator keçidi zamanı müqavilənin ləğvi, ikiqat faktura və istifadə olunmamış xidmətlər üçün hesab-fakturalar kimi problemlərə münasibət bildirdikdən və şikayət etdikdən sonra rəqabət orqanı məsələni yaxından izləyib və sözügedən qərarlar qəbul edilib.
Busaat.az
