İtaliyada helikopter qəzası: 7 ölü

 İtaliyanın cənub-şərqindəki Puqlia bölgəsində helikopter qəzaya uğrayıb.

Busaat.az xəbər verir ki, hadisə nəticəsində 7 nəfər həlak olub.

Foggia şəhəri ilə Tremiti adaları arasında uçuş həyata keçirən A109 tipli helikopterlə radio əlaqəsi kəsilib. Axtarış-xilasetmə işlərinə başlandıqdan sonra təhlükəsizlik qüvvələri Foggia əyalətinin Apricena şəhəri yaxınlığında helikopterin qalıqlarını tapıb.

Qəzada helikopterdə olan 7 nəfərdən sağ qalan olmayıb. Bildirilib ki, Tremiti adaları ilə Foggia arasında müntəzəm uçuşlar həyata keçirən “Alidaunia” şirkətinə məxsus helikopter gündə bir neçə dəfə sözügedən marşrut üzrə ikitərəfli uçuşlar edib. Qəzada ölənlərin kimliyi də məlum olub. Puglia bölgəsinə tətil məqsədilə gələn 4 nəfərlik sloveniyalı ailə, italyan həkim və 2 ekipaj üzvü qəzada həyatını itirib. İtaliyanın Milli Uçuş Təhlükəsizliyi Agentliyi (ANSV) qəza ilə bağlı araşdırmalara başlayıb.

Busaat.az