İtaliyada təhlükəsizlik qüvvələri bu gün səhər saatlarında müxtəlif şəhərlərdə mütəşəkkil cinayət qruplarına qarşı genişmiqyaslı əməliyyat keçirib.
Busaat.az xəbər verir ki, bu barədə ölkə mətbuatı məlumat yayıb.
Bildirilib ki, 800-dən çox mühafizəçinin qatıldığı əməliyyatda səhər saatlarında paytaxt Roma ilə yanaşı, Neapolda da bəzi məntəqələrə basqın edilib.
Təhlükəsizlik qüvvələri Romada Tor Bella Monakoda 80-dən çox ünvanda əməliyyat keçirib, Neapoldakı “İspan məhəlləsi”ndə axtarışlar intensivləşdirilib.
Katanzaro anti-mafiya prokuroru Nikola Gratterinin koordinasiyası ilə həyata keçirilən “Yüksək təsir” adlı əməliyyatda 52 nəfər ev dustaqlığına, 29 nəfər nəzarətə götürülüb, 3 nəfər isə məhkəmə nəzarətinə götürülüb.
