İtaliyanın sabiq baş naziri Silvio Berluskoninin Milanda xəstəxanaya yerləşdirildiyi bildirilir. 86 yaşlı lider sonuncu dəfə 2022-ci ilin yanvarında xəstəxanaya yerləşdirilib.
Busaat.az-ın xarici mediaya istinadən məlumatına görə, İtaliyanın sabiq baş naziri, hazırda iqtidar koalisiyasında yer alan Forza İtaliya (FI) partiyasının lideri Silvio Berluskoni ötən gecə Milanda xəstəxanaya yerləşdirilib.
İtaliya mətbuatında yer alan xəbərdə 86 yaşlı liderin dünən axşam saatlarında keçirdiyi ağrılar səbəbilə nəzarət məqsədilə Milanda San Raffaele xəstəxanasına aparıldığı və orada bəzi müayinələrin edildiyi bildirilib.
Bildirilib ki, Berluskoninin bu gün və ya sabah evə buraxılacağı gözlənilir.
Silvio Berluskoni sonuncu dəfə 2022-ci ilin yanvarında San Raffaele xəstəxanasına yerləşdirilib.
1994-2011-ci illər arasında İtaliyada ən uzun müddət vəzifədə olan baş nazir olan Berluskoni 2020-ci ilin sentyabrında Covid-19-a yaalanıb və iki həftəlik əziyyətli müalicə müddətindən sonra sağala bilib.
