İtalyan zabit Rusiyaya casusluqda ittiham olunur

Rusiyanın xeyrinə casusluqda ittiham olunan İtaliya dəniz qüvvələrinin zabiti Valter Biot 30 il müddətinə azadlıqdan məhrum edilib.

Busaat.az xəbər verir ki, İtaliyanın Ansa xəbər agentliyinin məlumatına görə, cümə axşamı Roma hərbi məhkəməsi Biotu təqsirli bilib və 30 il həbs cəzasına məhkum edib.

Dinləmə zamanı hərbi prokurorluğun mətbuat katibi zabitin İtaliya qanunlarına görə ən yüksək cəza olan ömürlük həbs cəzasına məhkum edilməsini istəyib.

Biot “casusluq üçün məxfi məlumat əldə etmək”, “məxfi məlumatların əldə edilməsi və açıqlanması” və “casusluq məqsədilə fotoşəkillərin çəkilməsi” ilə bağlı bir sıra cinayətlərdə ittiham olunub.

Biotun vəkili Roberto De Vita isə deyib: “Biotun özünü müdafiə etmək imkanı yoxdur. Biot Hərbi Dəniz Qüvvələrində şərəflə vəzifəsinə qayıdana qədər mübarizəmizi davam etdirəcəyik”.

RİA Novosti-yə verdiyi açıqlamada Roma məhkəməsinin qərarının prosesin sonu demək olmadığını bildirən De Vita əlavə edib: “İtaliyanın hərbi məhkəmə sistemi mülki məhkəmə sistemi ilə eyni prinsiplər əsasında fəaliyyət göstərir, ona görə də yeni məhkəmə prosesini gözləyə bilərik. Apellyasiya məhkəməsinə müraciət edəcəyik”.

Busaat.az