İtmiş fermerin cəsədi timsahın mədəsindən çıxdı

Malayziyada itkin düşən Addi Banqsa adlı fermerin cəsədi 4 metrlik timsahın mədəsindən tapılıb.

Busaat.az xəbər verir ki, Malayziyanın Tawao bölgəsində 4 gün əvvəl itkin düşdüyü bildirilən 60 yaşlı fermer Addi Banqsanın cansız bədəni timsahın mədəsində aşkarlanıb.

Dörd günlük axtarış-xilasetmə işlərindən sonra Vəhşi Təbiət Departamentinin nümayəndələri nəhəng timsahı  yarıya böldükdən sonra fermerin qalıqlarına rast gəliblər.

Ölən timsahın içindəki qalıqları araşdıran qrup, aparılan sınaqlar nəticəsində qalıqların Addi Banqsaya aid olduğunu bildiriblər.

Axtarış qruplarının fermerin cəsədini timsahın mədəsində tapacaqlarını haradan bildikləri ilə bağlı rəsmi açıqlama verilməyib.

Busaat.az