Venesuela BRİKS-i dünya nizamının yeni yolu kimi görür. Bu təşkilata qoşulmağa və onun gələcək inkişafına töhfə verməyə hazırdır.
Busaat.az xəbər verir ki, bu barədə Venesuela xarici işlər naziri İvan Gil TASS-a müsahibəsində danışıb.
“Venesuela BRİKS-i dünya üçün yeni birlik seçimi, yeni müasir dünya və iqtisadi nizam kimi görür”, – baş diplomat qeyd edib. O xatırladıb ki, Venesuela prezidenti Nikolas Maduro artıq ölkənin BRİKS-ə qoşulması üçün rəsmi ərizə təqdim etdiyini açıqlayıb.
“Biz BRİKS-ə mühüm töhfə verə biləcəyimizə inanırıq, çünki Venesuela 300 milyard bareldən çox dünyanın ən böyük neft ehtiyatlarına malikdir. Ölkəmiz inkişaf etmiş infrastruktura malikdir və BRİKS üçün enerji mərkəzinə çevrilə bilər. BRIKS sənaye, iqtisadi, kənd təsərrüfatı, kommersiya və maliyyə inkişafı üçün yeni imkanlara malik bir dünyadır”, – nazir qeyd edib.
O, bildirib ki, 22-24 avqustda Cənubi Afrikada keçiriləcək sammit BRİKS üçün yeni və şübhəsiz uğurlu mərhələ açacaq.
“Biz orada iştirak etməyi səbirsizliklə gözləyirik”, – Gil əlavə edib.
