İzyumda təmizləmə əməliyyatları: Amerikalı diplomatdan qəribə bənzətmə - “Hadrut, Şuşa ya da İzyum”

ABŞ-ın tanınmış diplomatlarından, siyasi şərhçi və Hudson İnstitutunun baş elmi işçisi Luke Coffey Hadrut, Şuşa və İzyum şəhərələri ilə bağlı bənzətmə aparıb.

Busaat.az xəbər verib ki, diplomat bu barədə özünün “Tvitter” hesabında yazıb. Amerikalı diplomat hər zaman işğal edilmiş bölgələrdə seperatizmə dəstəyi ilə seçilən Rusiyanın “Warganzo” agentliyini hədəf alıb: “İstər Hadrut, istər Şuşa, istərsə də İzyum olsun, Warganzo şəkil çəkdirmək üçün gəlibsə, bu o deməkdir ki, şəhər azad olmaq üzrədir”.

Coffey bu bənzətməni “Warganzo”nun rəhbəri Semen Peqovun Hadrut və Şuşa şəhərlərindən paylaşım etdikdən bir neçə gün sonra hər iki şəhərin işğaldan azad edilməsi ilə bağlı edib. İzyum şəhəri də eyni taleyi yaşaya bilər. Belə ki, son məlumatlara görə Ukrayna ordusu artıq İzyuma daxil ola bilib və bölgədə təmizləmə əməliyyatları aparılır. Peqov isə, bir neçə gün əvvəl İzyumdan paylaşım etmişdi…

Busaat/az Həşim Səhrablı