Əfqanıstanın paytaxtı Kabildə Daxili İşlər Nazirliyinin kampusunda yerləşən məsciddə günorta namazı zamanı baş verən partlayış nəticəsində iki nəfər ölüb.
Busaat.az xəbər verir ki, Daxili İşlər Nazirliyinin sözçüsü Əbdül Nafi Takur mətbuata açıqlamasında partlayış haqqındakı məlumatı təsdiqləyib.
Ölən və yaralananların sayı ilə bağlı rəqəmləri açıqlamayan Takur hadisənin araşdırıldığını bildirib.
Təhlükəsizlik tədbirlərini gücləndirən Taliban qüvvələri tərəfindən Daxili İşlər Nazirliyinin girişləri bağlanıb, mətbuat mənsublarına şəkil çəkdirməyə icazə verilməyib.
Hadisə nəticəsində 2 nəfər həyatını itirərkən, daha 18 nəfərin yaralandığı bildirilib.
Qeyd edək ki, ötən Cümə Kabilin Deşt-i Berçi rayonunda şiə həzaraların yaşadığı təhsil müəssisəsində baş verən partlayışda 46-sı tələbə qız olmaqla 53 nəfər həlak olub.
Busaat.az
