Kadırovun “Muzdlu əsgər” planı: Bütün dünyada döyüşəcəklər

Çeçenistan lideri Ramazan Kadırov dünyanın istənilən yerində döyüşə bilən “muzdlu ordu” yaratmağı planlaşdırır.

Busaat.az xəbər verir ki, bu barədə Kadırovun özü Rusiyanın RİA xəbər agentliyinə müsahibəsində bildirib.

“Sarku’l Avsat”ın xəbərinə görə isə, Kadırov qurmaq istədiyi təşkilat barədə deyib: “Özünü ən demokratik adlandıran ölkələrə gedərək məzlum xalqı qoruya biləcək”.

Kadırov bəyan edib ki, quracağı yeni muzdlu dəstə dünyanın hər yerindən insanları cəlb edəcək.

Fevral ayında Kadırov, “Bir gün əziz qardaşım Priqojinlə yarışacam”, – deyərək yeni muzdlu dəstə yaratmaq planlarını gündəmə gətirib.

Rusiyanın “Vaqner” özəl mühafizə şirkətinin meneceri Yevgeni Priqojin və Çeçenistanın lideri Kadırov Ukrayna müharibəsi başlayandan bəri Rusiya ordusunun komandanlıq eşelonunu sərt tənqid ediblər. Rusiya Müdafiə Nazirliyi ilə Priqojin arasında yaşanan gərginlik zamanı Kadırov daha ehtiyatlı mövqe tutub.

Vaqner isə 2014-cü ildə təsis edilib. Suriya, Liviya, Mali və Mərkəzi Afrika kimi ölkələrdə fəaliyyət göstərdiyi bilinən Vaqnerin Ukraynada 50 mindən çox döyüşçüsü olduğu təxmin edilir.

Busaat.az