
Kahramanmaraş zəlzələsi Suriyanı viran qoydu: Ölən və yaralananların sayı artır
Episentri Kahramanmaraş olan 7,7 və 7,6 bal gücündə zəlzələlərdən sonra Suriyanın müxtəlif bölgələrində ölənlərin sayı 1782-yə, yaralıların sayı isə 3 min 749-a yüksəlib.
Busaat.az xəbər verir ki, Suriyada zəlzələdən zərər çəkən İdlib, Hələb, Hama, Latakiya və Tartus əyalətlərində axtarış-xilasetmə işləri davam edir.
SANA-nın xəbərinə görə, Hələb, Latakiya, Hama və Tartus əyalətlərində rejimin nəzarətində olan bölgələrdə 812 nəfər həyatını itirib, 1449 nəfər isə yaralanıb.
Suriyanın şimalında müxalifətin nəzarətində olan ərazilərdə çoxlu binalar dağıdılıb və ya zədələnib.























