Türkiyənin Kahramanmaraş şəhərində 2023-cü il fevralın 6-da baş vermiş zəlzələdən sonra Azərbaycan dövlətinin dəstəyi ilə inşa edilən “Azərbaycan Məhəlləsi” artıq tam hazırdır.
“Busaat.az” Türkiyə mediyasına istinadən xəbər verir ki,Bu yaşayış massivi Onikişubat rayonunda, 320 hektarlıq ərazidə qurulub. Burada 1.323 mənzil, 799 ticarət obyekti, ümumilikdə 2.122 müstəqil tikili inşa edilib. Torpaq laylarının möhkəmləndirilməsi üçün 15 minə yaxın dayaqlı dirəklər basdırılıb.
Məhəllədə Heyder Əliyevin adını daşıyan 24 siniflik ibtidai məktəb, müasir mədəniyyət evi və digər sosial obyektlər də yer alıb.
Bu layihə yalnız yenidənqurma deyil, həm də Azərbaycan ilə Türkiyə arasında qardaşlığın bariz simvolu kimi dəyərləndirilir. Layihə sayəsində zəlzələdən zərər çəkmiş ailələr üçün təhlükəsiz və dayanıqlı yaşayış mühiti yaradılıb.
Aqil Nuriyev
Busaat.az
