Kahramanmaraşda meşə yanğını baş verib

Kahramanmaraşın Onikisubat rayonunda yaşayış məntəqələrinə yaxın meşəlik ərazidə yanğın baş verib.

Busaat.az-ın türk mediasına istinadən əldə etdiyi məlumata görə, meşə sahəsində yanğın çıxdığını görən vətəndaşlar vəziyyət barədə səlahiyyətlilərə zəng ediblər.

Hadisə yerinə yanğınsöndürmə qrupları göndərilib. Alovun qarşısını almaq üçün havadan və yerdən müdaxilələr edilib.