Kanada NATO müttəfiqləri ilə Hind-Sakit okean regionunda yeni strategiyasını müzakirə edəcək

Xarici İşlər naziri Melanie Joly gələn həftə Buxarestdə keçiriləcək görüşdə NATO-dakı həmkarları ilə Hind-Sakit okean regionunda Kanadanın həyata keçiriləcək yeni strategiyasını müzakirə edəcək.

Busaat.az xəbər verir ki, bu barədə Joly Vankuverdə mətbuat konfransında bildirib.

“Gələn həftə NATO-ya gedirəm. Biz mütləq Hind-Sakit okean strategiyası və Avropalı müttəfiqlərimizlə Çin siyasətimiz haqqında danışacağıq” – deyə, kanadalı diplomat qeyd edib.

Joly əlavə edib: “Yaxın gələcəkdə Beynəlxalq Ticarət, İxracın Təşviqi, Kiçik Biznes və İqtisadi İnkişaf naziri Meri Nq yeni strategiyanı Yaponiya və Cənubi Koreyadakı həmkarları ilə müzakirə etmək üçün bu ölkələrə səfər edəcək. Məqsədimiz bu ölkələrə də son dərəcə yaxın olmaqdır”.

Qeyd edək ki, Joly, qarşıdakı beş il ərzində Kanadanın Hind-Sakit okean regionunda yeni strategiyasının həyata keçirilməsinə 2,2 milyard Kanada dolları (1,64 milyard dollardan çox) xərcləməyin planlaşdırıldığını söyləyib. Strategiya beş yoldan ibarətdir. Xüsusilə, Kanada Dəniz Qüvvələrini artırmağı və bölgəyə aktiv sərmayə qoymağı planlaşdırır.

Busaat.az