Kanada Türkiyəyə tətbiq edilən ixrac məhdudiyyətlərini aradan qaldırmaq üçün danışıqları bərpa edib

Kanada  pilotsuz uçuş aparatlarının hissələrinə tətbiq etdiyi ixrac məhdudiyyətlərini aradan qaldırmaq üçün Türkiyə ilə danışıqları yenidən başladıb.

Busaat.az xəbər verir ki, bu barədə Türkiyənin İsveçin NATO üzvlüyünə yaşıl işıq yandırmasından sonra qərar verilib.

Vilnüsdə keçirilən NATO zirvəsi öncəsi Əedoğanın İsveçin üzvlüyünə yaşıl işıq yandırmasından sonra ABŞ qısa müddət ərzində açıqlama verərək, F-16 döyüş təyyarələrinin Türkiyəyə satış prosesini irəli aparacağını bildirib.

Məlumata görə, Kanada Türkiyənin müdafiə sektoru üçün bu mühüm addımı ataraq, ixrac məhdudiyyətlərinin aradan qaldırılması ilə bağlı danışıqlara yenidən başlamaq qərarına gəlib.

Xatırladaq ki, Kanada 2020-ci ildə PUA-larda istifadə olunan bəzi hissələrin ixracını dayandırıb.

Bildirilir ki, NATO sammitindən əvvəl F-16 döyüş təyyarələrinin satışı ilə bağlı Vaşinqtondan təminat tələb edən Türkiyə Kanadadan da ixrac məhdudiyyətlərini aradan qaldırmasını tələb edib.

Qeyd edək ki, Kanada sammitdə Türkiyəyə ixrac etdiyi texnoloji məhsulların istifadə sahələrini açıqlayıb və bu mövzuda cavab almaq üçün Ankaraya çatdırıb.

Busaat.az