Kanadada yüz minlərlə dövlət qulluqçusu tətilə çıxıb

Kanadada dövlət idarələrində çalışan 155 min dövlət məmuru hökumətin həmkarlar ittifaqı ilə aparılan danışıqlarda razılığa gələ bilmədiyi üçün tətilə çıxıb.

Busaat.az xəbər verir ki, Kanada Dövlət Xidmətləri Assosiasiyasının (PSAC) prezidenti Kris Aylvard, Ottavada keçirdiyi mətbuat konfransında üzv olan 155 000-dən çox federal dövlət məmuru adından hökumətlə apardıqları müzakirələrdə razılığa gələ bilmədiklərini bildirib.

Sputnik-in məlumatına görə, Aylvard üzvlərinin tətilinin bu gün yerli vaxtla saat 12:01-dən başladığını bildirib.

Ölkə daxilində 250-dən çox tətil xətti quracaqlarını ifadə edən Aylvard, masada müzakirə edilən məsələlərin təfərrüatlarını açıqlamayacağını, lakin əsas məsələlər həll olunana qədər birliyin tətilə davam edəcəyini bildirib.

Kanadanın Xəzinə Departamenti hökumət adından verdiyi açıqlamada, hökumətin razılaşmaq üçün əlindən gələni etdiyini, lakin ittifaqın hökumətin kanadalılara xidmət etmək qabiliyyətinə ciddi təsir göstərəcək istəklərdə israr etməyə davam etdiyini söyləyib.

Busaat.az