Kanadanın baş naziri Castin Trüdo və həyat yoldaşı Sofi 18 illik evlilikdən sonra ayrıldıqlarını açıqlayıb.
Busaat.az xəbər verir ki, bu barədə Trüdo Twitter-də yazıb.
“Sofi və mən bir çox uzun və çətin müzakirələrdən sonra ayrılmaq qərarına gəldiyimizi bildirmək istərdik”, – nazir deyib.
“Həmişə olduğu kimi, biz birlikdə qurduğumuz və qurmağa davam edəcəyimiz şeylərə görə bir-birimizə sevgi və hörmətlə bağlı yaxın insanlar olaraq qalırıq”, – Trüdo bildirib.
“Onlar verdikləri qərarla bağlı bütün lazımi hüquqi və etik addımların atılmasını təmin ediblər və bunu gələcəkdə də atacaqlar”, – Baş nazirin mətbuat xidmətinin məlumatında deyilir.
“Uşaqlarımızın rifahı naminə sizdən bizim və onların şəxsi həyatlarına hörmət etməyinizi xahiş edirik”, – Trüdo qeyd edib.
Busaat.az