Karin Knaysl: "Oktyabrın 13-də kəskin İsrail-Fələstin qarşıdurması gözlənilir"

Oktyabrın 13-də israillilərlə fələstinlilər arasında kəskin qarşıdurma gözlənilir.

Busaat.az xəbər verir ki, bu barədə Avstriyanın keçmiş xarici işlər naziri Karin Knaysl Rusiya Enerji Həftəsi çərçivəsində TASS-a bildirib.

“Cümə günü mütləq bir şey olacaq, çoxlu sayda nümayişlərin keçirilməsi planlaşdırılır”, – Fələstinlilərə dəstək üçün proqnozları və planlaşdırılan nümayişləri şərh edərkən deyib.

Xatırladaq ki, HƏMAS yaraqlılarının Qəzza zolağından İsrailə sızmasından sonra Yaxın Şərqdə gərginlik yenidən alovlanıb. Fələstin hərəkatı öz hücumunu İsrail hakimiyyətinin Qüds Məbədi dağındakı Əl-Əqsa məscidinə qarşı hərəkətlərinə cavab kimi qiymətləndirib. İsrail müharibəyə hazır olduğunu və Qəzzanı tam blokada elan edib. Fələstin anklavına, eləcə də Livan və Suriyanın müəyyən ərazilərinə zərbələr endirməyə başlayıb. İordan çayının qərb sahilində də qarşıdurmalar gedir. 1500-dən çox fələstinli öldürülüb, 7200-dən çoxu yaralanıb; İsraildə ölənlərin sayı 1500-ə yaxındır və 4000-ə yaxın insan yaralanıb.