Kayseridə silahlı hücum: 3 nəfər yaralandı
Kayserinin Kocasinan rayonunda qəhvəxanaya silahlı basqın nəticəsində biri polis olmaqla 2 nəfər yaralanıb.
Busaat.az türk mediasına istinadən xəbər verir ki, əlində tüfəng olan şəxs Sanayi Məhəlləsi Serdarlı Sokakdakı qəhvəxanaya gəlib. Daha sonra o, oradakı insanlarla mübahisə etməyə başlayıb.
Vətəndaşların xəbəri ilə ünvana polis qrupu sövq edilib. Hadisəyə müdaxilə etmək istəyən qrupla müzakirə aparan silahlı şəxs əlindəki tüfənglə atəş açıb.
Polis əməkdaşı döş hissəsindən, digər 2 nəfər isə bədəninin müxtəlif nahiyələrindən xəsarət alıb.
Yaralılar sağlamlıq qrupları tərəfindən Erciyes Universiteti Xəstəxanasına aparılıb.
Cinayətkarın tutulması istiqamətində işlər davam etdirilir.
