
Keniya Yerin ilk müşahidə peykini orbitə buraxacaq
Keniya Kosmik Agentliyi (KSA) ölkənin ilk Yer müşahidə peykini kosmosa buraxmağa hazırlaşır.
Busaat.az xəbər verir ki, “Taifa-1” adlı peyk aprelin 11-də orbitə buraxılacaq.
Kənd təsərrüfatı, ərzaq təhlükəsizliyi, təbii ehtiyatların idarə edilməsi və ətraf mühitin monitorinqi məqsədləri üçün istifadə ediləcək peyk Keniyanın ilk müşahidə peyki olacaq.
Keniya Kosmik Agentliyinin rəhbəri briqada generalı Hillari Bivott Kipkosgeyin sözlərinə görə, missiya peykin inkişafı, məlumatların təhlili və tətbiqinin inkişafına töhfə verməklə mühüm rol oynayacaq.
Qeyd edək ki, 2017-ci ildə yaradılan Agentlik ilk miniatür peykini 2018-ci ildə orbitə buraxıb.
Busaat.az























