Keşiş kiçik qıza təcavüz etdi

Kanadanın Manitoba əyalətində katolik keşiş Arul Savari 8 yaşlı qıza cinsi təcavüz etdiyi üçün həbs edilib.

Busaat.az xarici mediaya istinadən xəbər verir ki, Kanada Kral Atlı Polisinin RCMP sözçüsü Scott McMurchy mətbuata verdiyi açıqlamada, 48 yaşlı keşiş Savarinin Winnipeg şəhəri yaxınlığındakı Little Grand Rapids First Nation icmasından olan 8 yaşlı qıza cinsi təcavüz etdiyini söyləyib.

Savarinin həbs olunduğunu qeyd edən McMurchy, keşişin digər mümkün qurbanlarını da müəyyən etdikləri barədə məlumat paylaşıb.

“Biz baş verənləri açıq şəkildə paylaşmaqla gənc qurbanı daha da sarsıtmaq istəmirik. Amma biz inanırıq ki, digər uşaqlar da eyni şəkildə zərər çəkmiş ola bilər”, – deyə McMurchy qeyd edib.

Rahibin bölgədə iki fərqli yerli icmada xidmət etdiyini qeyd edən McMurchy, Savarinin “cinsi təcavüz, cinsi müdaxilə, yeniyetmənin cinsi istismarı, aldatma və uşağı zorla həbs etmə” ilə ittiham edildiyini bildirib.

Busaat.az