Avstraliya telekommunikasiyalar nəhəngi Optus, 10 milyon istifadəçinin, əhalinin təxminən 40%-nin şəxsi məlumatlarının oğurlandığını bildirib.
Busaat.az xəbər verir ki, bu Avstraliya tarixindəki ən pis məlumat pozuntusu sayıla bilər.
Bəzi ekspertlərə görə, yaşananlar həm də Avstraliyanın kibertəhlükəsizliyi necə qoruması haqqında suallar doğurub.
“Narahat olmayın, biz kiber təhlükəsizliyində həqiqətən yaxşıyıq. Biz bu problemi həll edəcəyik. Mən demək istərdim ki, bu hadisədə kiber təhlükəsizliyin zəif təminatı haqqında iddia doğru deyil” –deyə, telekommunikasiya sektorundan bildirilib. Təhlükəsizlik ekspertləri telekommunikasiya şirkətlərinin məxfi məlumatları bu qədər uzun müddət saxlamaması üçün məlumatların saxlanması qanunlarında islahatlar aparılmasını təklif ediblər.
Optus isə mövcud qaydalara əsasən şəxsiyyət məlumatlarını 6 il saxlamaq müddətinin tələb edildiyini söyləyib.
Qeyd edək ki, Optus Singapore Telecommunications Ltd-nin törəmə şirkətidir.
Busaat.az
