Türkiyə müxalifətinin prezidentliyə namizədi, Cümhuriyyət Xalq Partiyasının (CHP) lideri Kamal Kılıçdaroğlu seçkilərdə qalib gələcəyi təqdirdə Rusiya ilə institusional səviyyədə əlaqələr qurmaq niyyətindədir.
Busaat.az xəbər verir ki, bu barədə partiyanın beynəlxalq əlaqələr üzrə sədr müavini Ünal Çeviköz RİA Novosti-yə bildirib.
Altı partiyadan ibarət müxalif “Millət Alyansı” keçirilən toplantıdan sonra Kılıçdaroğlunu vahid namizəd elan edib. Türkiyədə “Millət Alyansı”nın digər üzvləri olan 5 müxalifət partiyasının liderləri, eləcə də İstanbul və Ankara bələdiyyə sədrləri Kılıçdaroğlunun qalib gələcəyi təqdirdə vitse-prezident olacaqlar, gücləndirilmiş parlament idarəetmə formasına keçid planlaşdırılır.
“Rusiya ilə əlaqələri Ərdoğan və Ədalət və İnkişaf Partiyasının dövründə olduğu kimi liderlər deyil, institutlar səviyyəsində quracağıq. Münasibətləri qurumlar və Xarici İşlər Nazirliyi səviyyəsində davam etdirəcəyik. Rusiya Federasiyası ilə əlaqələr qurarkən, biz ölkələrimizin uzun tarixi əlaqələri olduğunu nəzərə alacağıq, eyni zamanda Türkiyənin NATO-ya üzvlüyünü də nəzərə alacağıq ki, xarici siyasət bərabər şəkildə aparılsın”, – deyə Çeviköz bildirib
Müxalifət Akkuyu AES layihəsinin hazırkı vəziyyətini və müvafiq detalları, həmçinin stansiya ilə bağlı saziş çərçivəsindən kənarda yaranmış öhdəlikləri nəzərdən keçirmək niyyətindədir.
Qeyd edək ki, Türkiyədə prezident seçkiləri mayın 14-nə təyin edilib.
Busaat.az
