Kim Çen İn hökumətdən 2023-cü ildə müdafiə qabiliyyətinin gücləndirilməsini tələb etdi
Şimali Koreya 2023-cü ildə Koreya yarımadasındakı “təxribatçı vəziyyəti” nəzərə alaraq müdafiə potensialını gücləndirməyə davam etməlidir.
Busaat.az xəbər verir ki, bunu ölkə lideri Kim Çen İn Fəhlə Partiyası Mərkəzi Komitəsinin 6-cı Plenumunun ikinci günündəki məruzəsində bildirib.
“Şimali Koreya lideri, həmçinin, çoxtərəfli dəyişən vəziyyətə cavab olaraq 2023-cü ildə dinamik şəkildə əldə edilməli olan müdafiə qabiliyyətinin gücləndirilməsini əsas məqsəd kimi qarşıya qoyub” – deyə, hesabatda deyilir.
Bundan əlavə, Kim Çen İn hesabatında Şimali Koreyadakı vəziyyətə toxunub və qeyd edib ki, Koreya Fəhlə Partiyasının Mərkəzi Komitəsinin üzvləri və digər liderlər məqsədyönlü şəkildə öz yanaşmalarını və iş üslublarını əsaslı şəkildə dəyişməlidirlər. Buna görə, qarşıya qoyulan vəzifələri yerinə yetirmək əsas prioritet olmalıdır.
Hesabatın əlavə təfərrüatları və müdafiənin gücləndirilməsi ilə bağlı ölkə rəhbərliyinin qarşıya qoyduğu konkret məqsədlər barədə məlumat verilməyib.
Busaat.az
