Kişida və Bayden Rusiyaya qarşı sanksiyalara sadiqdirlər - Yaponiya XİN

 “Liderlər Rusiyaya qarşı sanksiyaları Yeddilik Qrupu dövlətləri və bu mövqeyi paylaşan digər ölkələrlə həmrəy olaraq davam etdirməyə razılaşıb”.

Busaat.az xəbər verir ki, bu barədə Yaponiya Xarici İşlər naziri Pnompendə keçirilən beynəlxalq görüşdən sonra bildirib.

Nazirlikdən verilən məlumata görə, ABŞ və Yaponiya liderləri Yeddilik Qrupu dövlətləri və bu mövqeyi bölüşən digər ölkələrlə həmrəy olaraq Rusiyaya qarşı sanksiyaları davam etdirməyə razılaşıb.

Yaponiya Baş naziri Fumio Kişida və ABŞ prezidenti Coe Bayden Ukraynaya dəstək məsələsində də ortaq mövqedə olduqlarını bəyan edib.

Qeyd edək ki, Rusiya-Ukrayna müharibəsi başlayandan bəri Qərb Rusiyaya qarşı geniş sanksiyalar tətbiq edib və Kiyev rejiminə on milyardlarla dollar dəyərində silah tədarükünü gücləndirib.

Busaat.az