Riçard Niksonun dövründə ABŞ-da dövlət katibi olmuş Henri Kissincerin “The Spectator” jurnalında yazdığı məqalə Kiyev rəhbərliyinin reaksiyasına səbəb olub.
Busaat.az xəbər verir ki, Kissincer Rusiyanın əlində olan əraziləri ilhaq etməklə sülh üçün danışıqlar masasına gəlməyin vaxtı olduğunu bildirib.
bu sözlərindən sonra Ukrayna prezidenti Vladimir Zelenskinin müşaviri Mixail Podolyak, “Ukrayna torpaqları hesabına şeytanla sövdələşmə pis sülhdür” – deyə, etiraz edib.
ABŞ-ın keçmiş dövlət katibi Kissincer “The Spectator” jurnalında yazıb: “Artıq edilmiş strateji dəyişikliklərə əsaslanmaq və danışıqlar yolu ilə sülh əldə etmək üçün yeni struktura inteqrasiya etmək vaxtı yaxınlaşır. Sülh prosesi kimin necə ifadə etməsindən asılı olmayaraq, Ukraynanı NATO ilə bağlamalıdır. Neytrallıq alternativinin artıq mənası yoxdur”.
Kissincer may ayında da fərqli təkliflə çıxış edib. O, qeyd edib ki, sülh prosesi Rusiyanın ələ keçirdiyi bölgələrdən çıxması, ancaq 2014-cü ildə ilhaq edilən Krımın müzakirə mövzusu olması şərti ilə başlaya bilər.
Ukrayna prezidenti Zelenskinin müşaviri Podolyak Kissincerin rəsmi Telegram hesabında yazdığı məqalə ilə bağlı açıqlama verib: “Cənab Kissincer 10 aylıq müharibənin mahiyyətini və onun dünya nizamına təsirini hələ də başa düşməyib. Keçmiş dövlət katibinin tələb etdiyi, lakin ucadan deməkdən qorxduğu resept sadədir. Şərqi Avropanın digər dövlətlərinə təcavüz etməmək zəmanəti verməklə, Ukraynanın bəzi hissələrini qurban edib təcavüzkarı sakitləşdirmək”.
Belə bir sülhün pis olduğunu vurğulayan Podolyak əlavə edib: “Sadə həll yollarının bütün tərəfdarları aşkar olanı xatırlamalıdır. Ukrayna ərazisi hesabına şeytanla istənilən razılaşma pis sülhdür. Belə bir razılaşma Putin üçün qələbə və bütün dünyada avtokratlar üçün uğur resepti olardı”.
Busaat.az
