Belarus ərazisində 5 minə yaxın rus muzdlusu var və onlar gəlməkdə davam edir.
Busaat.az xəbər verir ki, bu barədə Ukrayna Dövlət Sərhəd Xidmətinin nümayəndəsi Andrey Demçenko bildirib.
“Sərhəddəki vəziyyətə Ukrayna Müdafiə Qüvvələri, o cümlədən Dövlət Sərhəd Xidmətinin bölmələri tam nəzarət edir”, – Demçenko deyib.
O, əlavə edib ki, muzdluların Ukrayna ilə sərhəddən xeyli aralıda olmasına baxmayaraq, Ukrayna kəşfiyyat xidmətləri, o cümlədən Dövlət Sərhəd Xidmətinin kəşfiyyatı vəziyyəti fəal şəkildə izləyir.
Demçenkonun sözlərinə görə, hazırda “Vaqner” PMC-nin Belarus ərazisindəki nümayəndələrinin sayı dövlət üçün ciddi təhlükə törətmir.
Busaat.az
