Ukrayna ordusu Belarusla sərhəddə əhəmiyyətli hərbi kontingent yerləşdirib.
Busaat.az xəbər verir ki, bu barədə Rusiya Xarici İşlər Nazirliyinin MDB ölkələri üzrə ikinci departamentinin rəhbəri Aleksey Polişuk məlumat verib.
“Bizdə olanməlumatlar onu göstərir ki, Ukrayna həqiqətən də Belarus-Ukrayna sərhədi boyunca əhəmiyyətli qüvvələr yerləşdirib”, – Polişuk bildirib.
Diplomat qeyd edib ki, bu şərtlər daxilində 2022-ci ilin oktyabrından Belarusda birgə Regional Qüvvələr Qrupunun əlavə bölmələri yerləşdirilib.
“Onların vəzifəsi İttifaq dövlətinin ərazisini işğal etməkdən çəkindirmək və təxribat və kəşfiyyat qruplarının sızma risklərini minimuma endirməkdir”, – Polişuk deyib.
“Biz ümid edirik ki, Kiyev rejimi və Qərb kuratorları hərbi avantüralara əl atmamaq üçün sağlam düşüncəyə malik olacaqlar, əks halda bunun nəticəsi çox ağır ola bilər”, – o əlavə edib..
Busaat.az
