Kiyev üzərində səmada altı şar aşkar edilib. Onların əksəriyyəti hava hücumundan müdafiə sistemi tərəfindən vurulub.
Busaat.az RİA Novosti-yə istinadən xəbər verir ki, bu barədə şəhərin hərbi administrasiyası özünün “Telegram” kanalında məlumat yayıb.
“İlkin olaraq altı düşmən hava hədəfi aşkar edilib. Dəqiqləşdirilən məlumata görə, onlar küləyin təsiri ilə kosmosda hərəkət edən hava şarları olub. Hava hədəflərinin hamısı vurulub”, – deyə məlumatda bildirilir.
Agentlik qeyd edib ki, vurulan balonların qalıqları təhlil edildikdən sonra hava hədəflərinin növü və onların ləvazimatları ilə bağlı yekun qərar veriləcək. Yerli hakimiyyət orqanları hazırda şarların Ukraynanın hava hücumundan müdafiə sistemini aşkar etmək və məhv etmək üçün buraxıldığı qənaətindədir.
