Kiyev və Ankara bu barədə Rusiyaya məlumat verməyib - Dmitri Polyanski

Ukrayna və Türkiyə “taxıl müqaviləsi”nin 60 günlük uzadılmasına qarşı olduqları barədə Rusiyaya xəbərdarlıq etməyib.

Busaat.az xəbər verir ki, bu sözləri Rusiyanın BMT-dəki nümayəndəsinin birinci müavini Dmitri Polyanski deyib.

Polyanski bildirib ki, Rusiya martın 18-də “taxıl müqaviləsi”ni 60 gün uzadıb.

“Digər iki tərəf bununla razı deyildisə, yazılı şəkildə bizə məlumat verməli idilər və əməliyyat orada bitərdi. Amma bu baş vermədi”, – Polyanski deyib.

Onun sözlərinə görə, Avropa ölkələri və ABŞ şirkətlərə məktub göndərməlidir ki, sanksiyalardan qorxmasınlar.

“Əlavə etməliyik ki, baş katib həqiqətən də sövdələşmənin hər iki hissəsinin yerinə yetirilməsini təmin etmək üçün əlindən gələni etməyə çalışır”, – diplomat qeyd edib.

Qeyd edək ki, 2022-ci il iyulun 22-də Rusiya, Türkiyə, Ukrayna və BMT nümayəndələri tərəfindən imzalanan ərzaq (və ya taxıl) sazişi Ukrayna taxılının, ərzaq və gübrəsinin Qara dəniz vasitəsilə Odessa da daxil olmaqla üç limandan ixracını nəzərdə tutur.

İstanbuldakı Birgə Koordinasiya Mərkəzi (JCC) isə gəmilərin hərəkətinin koordinasiyasına cavabdehdir.

Busaat.az