Kiyevə kasetli bombaların göndərilməsi humanitar problemlər yarada bilər – Çin XİN

ABŞ-nin Ukraynaya  qadağan edilmiş kaset sursatları göndərməsi münaqişə zonasında ciddi humanitar problemlər yarada bilər.

Busaat.az xəbər verir ki, bu sözləri Çin Xarici İşlər Nazirliyinin sözçüsü Mao Ninq bildirib.

“Vaşinqtonun bu qərarı bütün beynəlxalq ictimaiyyətdə narahatlıq doğurub, çünki bir çox ölkələr bu addıma qarşı olduqlarını açıq şəkildə ifadə ediblər. Kasset bombalarının məsuliyyətsiz şəkildə təmin edilməsi asanlıqla humanitar problemlər yarada bilər”, – Mao deyib.

Diplomatın sözlərinə görə, Pekin Ukrayna böhranının həllinin yeganə yolu dialoq və danışıqlar olduğuna inanır.

“Maraqlı tərəflər gərginliyin artmasının və Ukrayna böhranının böyüməsinin qarşısını almaq üçün atəşə yanacaq tökməkdən çəkinməlidirlər”, – Mao qeyd edib.

Busaat.az