Konqo Demokratik Respublikasında BMT əleyhinə aksiyada 48 nəfər həlak oldu

Konqo Demokratik Respublikasında (KDC) polislə Birləşmiş Millətlər Təşkilatına (BMT) qarşı aksiya təşkil etmək istəyən qrup arasında baş verən qarşıdurmada 48 nəfər həyatını itirib.

Busaat.az xəbər verir ki, bu barədə ölkə mediası məlumat yayıb.

Dünən bir qrup tərəfindən təşkil edilməsi planlaşdırılan BMT əleyhinə nümayişə KDC-nin şərqindəki təhlükəsizlik qüvvələri müdaxilə edib. Bundan sonra başlayan qarşıdurmada 48 nəfər həyatını itirib.

Xristian-animist “Natural Yəhudilik və Millətlərə Məsih İnamı” adlı qrup öz ardıcıllarını BMT bazalarına daxil olmağa və sülhməramlıların ölkədən çıxmasını tələb etməyə çağırıb.

Digər tərəfdən, icma liderləri avqustun 29-da yaydıqları bəyanatda bildiriblər ki, şəhərdəki BMT rəsmiləri onların evlərini müəyyənləşdirib və onları qarət etməyə hazırlaşır.