Konqoda üsyançıların hücumu nəticəsində 11 həyatını itirib

Konqonun şimal-şərqində üsyançı qrupun hərəkətləri nəticəsində azı 11 nəfər həlak olub.

Busaat.az xəbər verir ki, bu barədə “Associated Press” məlumat yayıb.

Məlumata görə, qurbanlar BMT-nin qonşu Ruanda ilə əlaqəsi olan M23 qrupunun üzvləri tərəfindən güllələnib.

Hadisə bazar günü səhər 11 mülki şəxsin cəsədinin tapıldığı Bwito kəndi yaxınlığında M23 ilə yerli özünümüdafiə bölmələri arasında silahlı qarşıdurmadan sonra baş verib.

Bildirilir ki, üsyançılar sakinləri öldürüb və qiymətli əşyaları oğurlayıblar.

Bölgədə yerləşən regional hökumətlərarası təşkilatın qoşunları hadisəyə müdaxilə etməyib.

Qeyd edək ki, M23 qrupu 10 il əvvəl Ruanda ilə sərhəddə yerləşən Şərqi Konqonun ən böyük şəhəri Qomanı ələ keçirəndən sonra ortaya çıxıb.

Qrupun adı Konqo hökumətini əməl etməməkdə ittiham etdiyi 23 mart 2009-cu il sülh sazişinin adından gəlir.

Busaat.az